चंद्रपूर जिल्हा, ज्याला पूर्वी केवळ कोळसा, सिमेंट आणि जंगलांसाठी ओळखले जायचे, आता औद्योगिक प्रगतीचे नवे दालन उघडत आहे. या बदलाचे श्रेय कुणाला द्यायचे, तर ते आहे सुधीर मुनगंटीवार यांच्या दूरदृष्टीला आणि विकासशील नेतृत्वाला. त्यांच्या अथक प्रयत्नांमुळे चंद्रपूर जिल्हा आता महाराष्ट्रातील औद्योगिक नकाशावर ठळकपणे अधोरेखित होत आहे.
मुल एमआयडीसीच्या माध्यमातून आयोजित केलेल्या ‘ॲडव्हांटेज चंद्रपूर २०२४ – इंडस्ट्रियल एक्स्पो अँड बिझनेस कॉन्क्लेव्ह’ कार्यक्रमाने जिल्ह्याच्या औद्योगिक प्रगतीचा पाया रचला आहे. या महत्त्वाकांक्षी उपक्रमात देशातील नामांकित १९ कंपन्यांशी तब्बल ७५ हजार ७२१ कोटी रुपयांचे करार करण्यात आले. या करारांमुळे जिल्ह्यात ४० हजारांहून अधिक रोजगारनिर्मिती होणार आहे. जिल्हाधिकारी विनय गौडा यांनी जिल्हा प्रशासनाच्यावतीने या करारांवर स्वाक्षरी केली. या कार्यक्रमात भरवलेल्या प्रदर्शनाने जिल्ह्याच्या औद्योगिक क्षमतांना नव्या उंचीवर नेले आहे.
पूर्वीच्या काळात बल्लारपूरसारख्या ठिकाणी चांगल्या पायाभूत सुविधांचा अभाव होता. परंतु, आज परिस्थिती वेगळी आहे. दर्जेदार रस्ते, वीज, पाणी, आणि इंटरनेटसारख्या सुविधा आता सहज उपलब्ध आहेत. हे सर्व घडवून आणण्यात सुधीर मुनगंटीवार यांची मोठी भूमिका आहे. त्यांच्या नेतृत्वाखाली चंद्रपूर जिल्ह्याने औद्योगिकीकरणाच्या दिशेने भक्कम पावले टाकली आहेत.
या कार्यक्रमात सुधीर मुनगंटीवार यांनी “चंद्रपूर हे आतापर्यंत कोळसा आणि सिमेंटसाठी ओळखले जायचे; आता ते ‘कॅश’साठी ओळखले जाईल,” असे विधान केले. हे विधान केवळ शब्द नसून, चंद्रपूरच्या औद्योगिक भविष्यासाठी एक दृष्टीकोन आहे. त्यांच्या मते, या भागात निर्माण होणारे उद्योग भविष्यात आर्थिक समृद्धीचे साधन ठरतील. जिल्हा केवळ राज्यासाठीच नव्हे, तर देशासाठीही महत्त्वाचा आर्थिक स्रोत बनेल, असा त्यांचा विश्वास आहे.
मुल एमआयडीसीमध्ये साकारले जात असलेल्या या औद्योगिक क्रांतीमुळे स्थानिक तरुणांसाठी रोजगाराच्या अनेक संधी उपलब्ध होतील. या प्रकल्पांतर्गत तयार होणाऱ्या उद्योगांत स्थानिक तरुणांना प्राधान्य दिले जाणार आहे. यामुळे बेरोजगार तरुणांना आपल्या गावीच रोजगार मिळणार आहे, आणि त्यामुळे स्थलांतरही कमी होईल.
सुधीर मुनगंटीवार हे गेल्या १५ वर्षांपासून बल्लारपूर विधानसभा मतदारसंघाच्या विकासासाठी झटत आहेत. त्यांच्या पंचसूत्री कार्यक्रमांतर्गत शिक्षण, आरोग्य, रोजगार, शेती आणि पर्यावरण यावर त्यांनी विशेष भर दिला आहे. पुढील पंचवार्षिक योजनांमध्ये त्यांनी औद्योगिकीकरणाला अधिक गती देण्याचा संकल्प केला आहे. यामुळे बल्लारपूर विधानसभा मतदारसंघातील प्रत्येक घरातील किमान एका व्यक्तीला रोजगार मिळेल, असा त्यांचा विश्वास आहे.
सुधीर मुनगंटीवार यांनी चंद्रपूर जिल्ह्याला केवळ विकासाचे स्वप्न दाखवले नाही, तर ते प्रत्यक्षात उतरवले आहे. त्यांच्या नेतृत्वाखाली चंद्रपूरचा कायापालट होत आहे. या जिल्ह्याला औद्योगिकदृष्ट्या संपन्न आणि आर्थिकदृष्ट्या सक्षम बनवण्याचा त्यांचा प्रयत्न आहे.
चंद्रपूर जिल्ह्याचा हा कायापालट केवळ विकासाच्या दृष्टीने महत्त्वाचा नाही, तर तो आत्मसन्मानाचा विषयही आहे. औद्योगिक प्रगतीमुळे जिल्ह्यातील लोकांचे जीवनमान उंचावेल आणि जिल्ह्याला एक नवी ओळख मिळेल. सुधीर मुनगंटीवार यांचे हे कार्य केवळ चंद्रपूरच नाही, तर संपूर्ण महाराष्ट्रासाठी प्रेरणादायी ठरेल.
सुधीर मुनगंटीवार यांच्या दूरदृष्टीने चंद्रपूर जिल्हा आज विकासाच्या नव्या उंचीवर पोहोचला आहे. त्यांच्या नेतृत्वाखाली जिल्ह्याचा आर्थिक नकाशा बदलत असून, हा बदल पुढील अनेक पिढ्यांसाठी फायदेशीर ठरणार आहे. या जिल्ह्याचा हा प्रवास एक आदर्श ठरेल, यात शंका नाही.
